Hún tókst en er missniðug............................

Þá á maður að geta bloggað í gegnum vördinn. Þetta er tilraun.
(image placeholder)

Innlent | mbl.is | 27.9.2005 | 10:45Síðasti ríkisstjórnarfundur Davíðs
Davíð Oddsson, utanríkisráðherra, sat í morgun sinn síðasta ríkisstjórnarfund en hann lætur af ráðherraembætti á ríkisráðsfundi síðar í dag. Af þessu tilefni var kaka á borðum ríkisstjórnarinnar þegar hún kom saman í Stjórnarráðinu í morgun. Davíð hefur verið ráðherra samfellt frá árinu 1991, fyrst forsætisráðherra en utanríkisráðherra frá því í september á síðasta ári.

Það er til skemmtileg saga af Spúsu minni þegar hún hitti saumaklúbbinn sinn eftir 6 mánaða samband við sinn nýja mann. Eftir að hafa sporðrennt vel útilátnu saumaklúbbssnakkinu bar hún fíngerða hendina að munni sér og ropaði pent. Baðst síðan innilegrar afsökunar. Þögn sló á hópinn og síðan sprakk saumaklúbbsgerið í setningum eins og "hvað hefur hann eiginlega gert þér!"´, "það er af sem áður var, brussa!" og þ.h.
Nú myndi kannski einhver spyrja sig að því hvers konar "My fare lady" ástand var í gangi fyrstu mánuðina hjá okkur en þeir sem hins vegar þekkja mig vita að þetta hafði ekkert með mig að gera. Ég er nú af þessari fjölskyldu sem hefur ropað og rekið við þegar það hefur hentað. Það er nefnilega engin synd þó að búkurinn leysi vind, spyrjið þið bara Hófí.

En annars var þetta ekki það sem ég ætlaði að tala um þótt hugleiðing mín tengist vissulega sama svæði. Ég þjáist nefnilega þessa dagana af Rassspasma. Skellti mér á körfuboltaæfingu á miðvikudagskvöldið og tókst að fara með bakið á mér sem aldrei fyrr. Var nokkuð góður í byrjun en ótrúlega vel útfærð leikflétta endaði með smelli í bakinu. Svaf ekkert þá nóttina og bar mig frekar aumlega hjá Villa sjúkraþjálfa daginn eftir. Villi hefur nú bannað körfubolta þangað til meðferð lýkur hjá honum. En aftur að rassspasmanum. Þegar maður hefur stingandi verk í mjóbaki herðir maður ósjálfrátt alla vöðva í kringum verkinn og þegar maður reynir of mikið á vöðva fær maður strengi og harðsperrur. Spasmo glutus maximum heitir þetta á læknamáli eða hringvöðvaharðsperrur upp á móðurmálið. Þið getið rétt ímyndað ykkur hve úttektir á IFÖ-inum eru þægilegar þessa dagana. Spasminn lýsir sér á þann máta að ég er með stöðugan seiðing frá mjóbaki niður í lær og með jöfnu millibili herpast vöðvar líkt og kröftugur sinadráttur sé í vændum. Á ég þá einskis annars úrkosta en að halla mér fram á við í aumkunarverðri tilraun til þess að teygja vöðvann. Spasmi sem þessi gengur yfirleitt yfir að mestu á 5-10 sekúndum en kostulegur er ég á meðan því stendur. Var til dæmis staddur í Europris með Spúsu um helgina þegar skyndilegt spasmakast heltist yfir mig. Ekki gaman að vera innan um ókunnuga þegar maður upplifir sinadrátt í görninni skal ég segja ykkur.

En hvað um það, þeim verður að svíða sem undir míga sagði Frú Sigríður og á það vel við þessa dagana.

Íðorðdagsins er:
beta-nýrilviðtakagerandefni

Annað var það ekki í bili.

Fór í dag að hvetja dóttur mína í handboltakeppni. Var frekar stoltur af minni. Árangurinn góður miðað við að hún var að skipta um stöðu og hefur nú tekið við markmannskyndlinum af föður sínum. Stúlkan valin fyrirliði síns liðs og varði eins og berserkur.

Aðdáendur Adda, Palla og Brergþóru bs kætast einnig þessa dagana þar sem stjórn samlagsins hittist á fundi og skeggræddum komandi jólahátíð.

Annað er það ekki í bili..........

Eftir því sem maður verður eldri þá er óumflýanlegt að hlutir sem hafa spilað stóran þátt í lífi manns hverfi á braut. Auðvitað hefur þetta mismikil áhrif á líf manns þ.e. sumt finnst manni ekki skipta eins miklu máli og annað. Hins vegar er það svo að oft á tíðum áttar maður sig ekki á hvað átt hefur fyrr en misst hefur. Ég var til dæmis allveg hættur að kaupa Spur og Miranda þegar það datt úr framleiðslu. Áttaði mig ekki á því fyrr en þá að kannski hefði maður átt að versla eins og eina og eina flösku til þess að varan væri enn í framleiðslu. En kannski hefði það ekki skipt máli. Það hefði svo sem engu breytt þó að ég hefði versla dálítið meira af bláum Opal undanfarin ár. En ég á samt eftir að sakna sérstaks Arabíkum gúmmíisins með klóroformi og koptroks.



Það er fullt tungl og á fullu tungli hendir konan á hæðinni fyrir ofan mig innanstokksmunum í manninn sinn. Hann svarar að bragði með einum til tveimur vel útilatnum löðrungum og síðan úthrópa þau hvort öðru. Af þessu verða síðan hinir mestu skarkalar og sem við nágrannarnir megum búa við. Þar sem ég og Spúsa höfu ekki áhuga fyrir samneyti við nágrannana okkar nema brýnustu nauðsin beri til þá höfum við látið sem ekkert c enda hafa lotur þessar yfirleitt staðið stutt í einu og endað með því að annað hvort þeirra rýkur á dyr. Í kvöld hins vegar voru þau í ótrúlegu formi og eftir klukkutíma öskur gafst spúsa upp og ætlaði að kalla til laganna verði. Til þess kom þó ekki þar sem dóttir okkar labbaði inn og tjáði okkur að löggan væri komin á efri hæðina. Stuttu seinna komst ró á húsið. Ótrúlegt hvað fullt tungl getur haft áhrif á fólk þó kannski gæti það spilað inní að þau eru búin að vera á fylleríi síðan fyrir helgi. Þau eru oft á fylleríi.





Annars er helgin búin að vera róleg. Ekkert djamm hjá þeim sem eru í aðhaldi. Nágrannar mínir ættu kannski að fá sér einkaþjálfara. Hvet lesendur mína til að taka mig til fyrirmyndar enda fyrirmyndast ég mjög vel.

Finnst þetta skemmtilegur linkur.

Annað var það ekki

1. Samræður manna
Á almannafæri hitti ég Albert
aðeins á Engilbert minntann mig, Herbert.

2. Loforð húsasmiðs
Innan skamms í ytra byrðið
ætla ég mér í þá.

3. Veikindi Bjarna
Hvar á ég heima, hrópaði ég
hrikalega Altzheimersjúkur.

Nokkuð hefur borið á því að sumir sem eru komnir yfir miðjan aldur, "frústriveruð kona á fimmtugsaldri", hafi kvartað yfir óskemmtilegheitum í linkum Lava. Að gefnu tilefni vill ég því koma eftirfarandi á framfæri. Skemmtilegt þarf ekki að vera fyndið. En til þess að gera öllum lesendum mínum til geðs mun ég hér eftir láta fylga með í það minnsta einn gismikinn link í hvert skipti sem í pósta áhugaverðar krækjur á vef þennan.


Þessi er sérstaklega hugsaður sem slíkur

Þessi gleður trúlega miðaldra konu á fimmtugsaldri

Og þessi er ekki sem verstur

Og þetta er einstakt moment

En allt er þetta skemmtilegt......

http://raus.is/i-like-you.php

http://aes.iupui.edu/rwise/countries/iceland.html
http://www.faceanalyzer.com/

http://www.obleek.com/iraq/index.html
http://www.mensjournal.com/feature/0508/healthTips.html

Mánuður tvö í sprikli byrjaði í kvöld. Árangur hingað til er framar vonum. Átta og hálft kíló farið. Það jafngildir 56,6 skömtum af hafragraut. Helvítið hann Clint sveik mig og yfirgaf landið (eins og við náðum vel saman) án þess að kveðja. Hef orðið að láta mér duga nýja utanríkisráðherrann sem æfingafélaga síðan þá. Sonur minn tók stóra ákvörðun og hefur ákveðið að fylgja gamla manninum í spriklinu. Finnst að ég get náð árangri þá......

Var að ná mér í nýjan æfingafélaga í ræktinni. Maður að nafni Clint var mættur og við félagarnir hnykkluðum massann hlið við hlið. Eftir á kinkaði ég kolli til hans og þakkaði fyrir létta æfingu. Býst fastlega við að kasjúal framkoma mín tryggi mér stórt hlutverk í næstu mynd. Annað var það ekki í bili....

Skyldi ekkert í því hvað lesendur mínir væru snöggir til svars eftir síðusta færslu. Með bros á vör opnaði ég commentin og sá mér til hryllings að mín ástkæra síða hefur verið svívirt af spömurum. Er frekar fúll og erf ákveðinn í að flytja mig um set ef þetta heldur áfram.
´

Skellti mér á tónleika í nýrri og bættri Laugardalshöll. Sá þar ásamt Gweldu systur minni og Janusi máf stórstirnið Joe Cocker. Einstaklega gaman í alla staði og á köflum ansi súrrealískt. Laugadalshöll hin nýja skartar nú risaskjám svo ekkert fari fram hjá manni. Mikil framför fyrir utan að hljóð og mynd fór ekki saman þannig að þetta leit út eilítið eins og á ferð væri Halldór Laxness syngjandi í kínískri bardagamynd. Við Gwelda vorum semsagt sammála um það að Joe væri sláandi lýkur Halldóri nokkrum frá Laxnesi. Og ímyndiðið ykkur bara Laxness standandi á sviði syngjandi "You can leave your hat on" durududdururu "Sweat darling, you can leave your hat on". Hilllaríus..............

Hljóp 6 kílómetra í gymminu í dag það var sveitt stund.

Linkar dagsins:


Hér væri nú ekki bagalegt að búa.
Svo maður tali nú ekki um þennan bæ.
Þetta finnst mér fyndið og skemmtilegt.