Ég er hevy, hevy metal maður,
Ég á Chevy og sá er sanseraður.

Í gegnum tíðina hef ég þjáðst af ýmiskonar kvillum. Var með ofnæmisastma sem barn en það rjátlaðist að mestu af mér, þ.e. astminn. Ég brákaði og braut, reif og rispaði, teygði og togapð hitt og þetta í líkamanum. Í seinni tíð hef ég hins vegar tekið upp
á að safna að mér hinum ýmsu kvillum. Þetta kom upp í hugann þegar að Dr. Helgi gigtalæknir spurði mig út í heilsu mína. Ég svaraði að bragði að ég væri búinn að vera tiltölulega hraustur í gegnum tíðina tók síðan til við að telja upp það sem bjátaði á eða hefði bjátað á í gegnum tíðina:

1. Finn stöðugt til í hálsliðum
2. Krónískur hálsrýgur
3. Vöðvabólga
4. Mjaðmaliðir festast
5. Neðstu 5 hryggjarliðir c.a. gefa frá sér verk
6. Mallet putti
7. Tennis olnbogi
8. Slit í fingrum.
9. Stöðugur stingur í hægri öxl.
10. Vinstri ökli er ónýtur
11. Meltingartruflanir
12. Gyllinæð
13. Nýrnasteinar
14. Æxli í ristli
15. Tásveppur
16. Brjósklos í baki x2
17. Hár blóðþrýstingur
18. Hátt kolesterol
19. Yfirþyngd (Óbís samkvæmt staðli "Séð og Heyrt")

Ég sá að Dr. Helgi var kominn á aðra síðu og ákvað því að stopp upptalninguna og sleppa því að segja honum frá því að ég væri leigubílstjóri í frístundum. Helgi ákvað að ég skyldi í röntgen.

Meira um það seinna.......

Að öðru leiti líður mér vel

Þar sem að ég hef nú loksins fengið sönnur fyrir því að ég sé lesinn reglulega mun ég hér með heiðra minn reglulega lesanda með eins og einu bloggi.

Reyndar hef ég ekki verið til stórræðanna út frá fingrasetningarsjónarmiði en þar sem ég vinn nú að mestu við lyklaborð þá hef ég tileinkað mér nýja tækni svokallaða "Fuck you malletputtatækni", og býst ég við að hún muni færa mér frægð og frama.


Þegar maður dettur niður á uppfynningar sem þessar þá er um að gera að að nýta sér þær til framdráttar. Ég get t.d. séð fyrir mér sjálfshjálparbækur, kasettur og dvd diska sem fylgt yrði eftir með skemmtilegri fyrirlestrarröð.

"Mallað með mallet"
"Níu fingra vörd án vandamála"
"....og þá voru þeir níu"
"On a mission with Mallet"

Ég er viss um að margur Malletfingur sjúklingurinn myndi borga stórfé fyrir að mæta á slíkan fyrirlestur.

En meira um það seinna.......