Ég hef fært mig um set í von um viðbrögð, frægð og frama. Ný slóð er steinrikur.blog.is. Vinsamlegast uppfæra uppáhöld og krækjur á nýja staðinn.

Komiðið sæl....
Gleðileg jól og farsælt komandi ár. Frá og með nýju ári hef ég hugsað mér til hreyfings..... Meira um það seinna.

Það skal tekið fram hér með að systir mín var ekki að kaupa sér mjótt eða lítið hús heldur er það feitt og stórt.

Þá hefur Hringsson fjölskyldan loks verið kláruð og afraksturinn á leið í jólapóstinn. Sjaldan eða aldrei hefur útgáfa sem þessi litið dagsins ljós nema ef vera skyldi einhvern tíman áður. Aðstandendur Hringssons fjölskyldunnar bíða nú spenntir eftir því að herlegheitin skelli inn um lúgur landsmanna enda lengist listinn yfir viðtakendur með hverju árinu. Er vitað um heilu fjölskyldurnar sem bíða í ofvæni eftir fréttum af fjölskyldunni og má því segja að upphaflegum tilgangi sé náð þ.e. að breiða út þá skemmtun sem biðin eftir fréttum af fjarlægum kunningjum frá útlöndum er.
Ég vil því biðja viðstadda að lyfta glösum þeim til heiðurs.
Lifi Hallbera
Lifi Herbert
Lifi Hersir Máni
Lifi Hera Sól
Lifi…. (bíddu nú við hver er þessi jón).

Þau lengi lifi,
Hibb, hibb, húgra húgra húgra.

Ég sat í bílnum mínum og hlustaði á útvarpið í gærkveldi. Geimt en ekki gleymt heitir þátturinn þar sem Freyr nokkur Geirfugl fær til sín tónlistarmenn sem yfirfara gamlar skífur sem þeir hafa gefið út. Í gær var mættur til hans Jóhann nokkur Helgason.

Freyr: .......og svo eru sumir sem segja að borgin sé orðin hálfgerð Sódóma.
Jóhann: Já, en það breytist vonandi þegar nýjir orkugjafar verða fundnir upp og bílarnir menga þá minna.

Annað var það ekki..............

Samkvæmt nýjustu fréttum stíga starfsmenn utanríkisráðuneytisins í vænginn við nánast alla sem halda úti her.
Legg til að kanadamönnum verði boðið að koma og verja land og þjóð. Sé fyrir mér að herstöðin verði opnuð að nýju og endurskírð, Ingersollur.