Sem tónlistarmaður hef ég ávallt reynt að taka tíma út úr annars þéttsetinni dagskrá og eyða honum í ný verkefni sem bæði auka víðsíni og geta verið innlegg í ný sköpunarverk. Með því að hef ég komið í veg fyrir að ég og aðrir hljómsveitarmeðlimir staðni við tónsköpun þá er hefur nú staðið í yfir 16 ár. Ekkert er eins pínlegt og bönd sem sitja föst í viðjum vanans og semja sömu tugguna aftur og aftur.
Ég hef því hóað saman nýjum mannskap, músíkölskum með afbrigðum, til nýrrar hljómbökunar. Hugmyndir hafa sprottið fram og er hópurinn nú þegar tekinn til við æfingar og vinnslu. Upptökur eru jafnvel fyrirhugaðar ásamt tónleikahaldi miklu. Reyndar er eitt vandamál því til fyrirstöðu en það er að bandið hefur ekki enn hlotið nafn. Margar hugmyndir hafa skotið upp kollinum, misgóðar þó. Þar sem ég veit að lesendur mínir eru miklar og hugmyndaríkar mannvitsbrekkur hef ég ákveðið að leita til þeirra um nafn á bandið. Treysti ég að þið lesendur góðir takið þessari málaleitan minni vel og "commentið" ykkar hugmyndir á þennan póst.

Hugmyndir sem þegar hafa komið fram:
"Og hvað á bandið að heita"
"Sísona"
"Feitilíus og ómagarnir"
"Stórsveit Nancy Drew"
"HÁMAG (Hvers á Manni að gjalda)"
"Nonni over-rated"

Annað var það ekki...........